​සහයෝගය සදහා ඇරයුම 

ශ්‍රී ලංකාවේ උතුරු පළාතේ සන්නද්ධ ගැටුම අවසන් වී යථා තත්ත්වයට පත් වී දශකයකට වැඩි කාලයක් ගතවී ඇතත්, මෙම කලාපය රටේ දුප්පත්ම සහ අවම තරඟකාරී කලාපයක් ලෙස පවතී. ජාතික ආර්ථික නිමැවුමට උතුරු පළාතේ දායකත්වය අසමානුපාතික ලෙස අඩු මට්ටමක පවතින අතර, යාපනය දිස්ත්‍රික්කයේ ආධිපත්‍යය ඇතිව උතුරු පළාත සමන්විත දිස්ත්‍රික්ක 5 තුළ සංවර්ධනය ද අසමාන වේ. අද නිසි පියවර නොගතහොත්, මෙම පරතරය ජයගත නොහැකි මට්ටමට වර්ධනය වන අතර, පළාත සතු සම්පත් සදහටම නොසළකා හැරීම  ශ්‍රී ලංකාවේ පසුගාමීත්වයට හේතු වනු  ඇතැයි මම බිය වෙමි.   

​

වත්මන් ආණ්ඩුකාරවරයා වශයෙන්, මෙය සිදු වන ආකාරය දෙස බලා සිටීමට මා අකමැති බැවින්, උතුරු පළාත සෙසු පළාත් 9 අතර ප්‍රාදේශීය වශයෙන් මෙන්ම දේශීය වශයෙන් ආර්ථික සංවර්ධනයෙන් සහ කාර්ය සාධනයෙන් ප්‍රමුඛයා බවට පත් කිරීමට මා මූලිකත්වය ගෙන කටයුතු කර ඇත. 

​

උතුරු පළාත සහ එහි භූමිය ජනතාව සතු බවත් මගේ සේවය ජනතාව වෙනුවෙන් බවත් මම දනිමි. කලාපීය ආර්ථික බලවේගයක් බවට පත්වීම සඳහා ශ්‍රී ලංකාවේ සෙසු ප්‍රදේශවලට අනුගමනය කළ හැකි අයුරින් ආදර්ශයක් තබමින් උතුරු පළාතේ සියලුම පුරවැසියන්ගේ වාසනාව උදා කරවීමේ සැලැස්ම සහිත මාගේ දැක්ම ඔබ දැක ඇති.  එම සැලැස්ම ගෝලීය වශයෙන් පිළිගත් එක්සත් ජාතීන්ගේ සංවිධානයේ තිරසාර සංවර්ධන රාමුවට අනුගත වේ. මෙම දැක්ම වේගවත් කිරීම සඳහා, සංවර්ධන ක්‍රියාවලිය තුළ පළාතට ඉදිරි පිම්මක් ගැනීමට උපකාර වන විශේෂඥ උපදේශකයන්ගෙන් සමන්විත මෙහෙයුම් කණ්ඩායමක් මම පිහිටුවන්නෙමි. මෙම Jump කණ්ඩායම නවීනතම ඩිජිටල් තාක්‍ෂණයන් භාවිතයෙන් තත්‍ය කාලීන පදනමින් පළාතේ ක්‍රියාකාරීත්වය සැකසීමට, සන්නිවේදනය කිරීමට, ක්‍රියාත්මක කිරීමට, ප්‍රධාන කාර්ය සාධන දර්ශක සැකසීමට සහ මැනීමට සහයෝගය දක්වනු ඇත. 

​

මාගේ සේවා කාලයෙන් පසුව වුවද බොහෝ කලක් සිදුවිය හැකි මෙම නැවත පණගැන්වීමේ ක්‍රියාවලියට  අඩිතාලම දැමීම සඳහා මම ආණ්ඩුකාර කාර්යාලය සමඟ ස්වාධීන සංවිධානයක් ලෙස ක්‍රියාත්මක වන කණ්ඩායමක් පිහිටුවමි.  මෙම කණ්ඩායම පළාත තුළ සංවර්ධනය සහ ආර්ථික ක්‍රියාකාරකම් ක්‍රියාත්මක කිරීම සහ අඛණ්ඩව පවත්වාගෙන යාම සහතික කිරීම සඳහා ජනතාව, කොටස් හිමියන්, ආයෝජකයින් සහ පරිපාලනය එකට සම්බන්ධ කිරීමට උපකාර වන වාහකයක් වනු ඇත. 

එවැනි මෙහෙයුමක් සාර්ථක බව සහතික කිරීම සඳහා මෙම කණ්ඩායමට ඔවුන්ගේ වෘත්තීය විශේෂඥතාවට ගරු කරන ශක්තිමත් දූරදර්ශී නායකත්ව මණ්ඩලයක් ඇත. ඔවුන්ට පළාත සමඟ  මුල් බැසගත් සම්බන්ධතා ඇති අතර එම සම්බන්ධතා ක්‍රියාත්මක කරන දක්ෂ තරුණ ව්‍යාපාර සහ ඩිජිටල් උපදේශන වෘත්තිකයන් කණ්ඩායමක් සමඟ චින්තන නායකත්වයක්  සහ පාලනයක් ඇත. මෙම ආයතනික කණ්ඩායම ක්‍රියාත්මක වූ පසු ඔවුන් ඉතා ඉක්මනින් ස්වයංපෝෂිත වනු ඇතැයි මම අපේක්ෂා කරමි. කණ්ඩායම ඉක්මනින් ක්‍රියාත්මක වන බව සහතික කිරීම සඳහා මූලික ආයෝජනයක් අවශ්‍ය වන අතර එය ආණ්ඩුකාරවරයාගේ වත්මන් අයවැය තුළ නොවේ. මගේ දැක්ම ඔබව උද්දාමයට පත් කරන්නේ නම් සහ ඔබ මා සමඟ මෙම ගමනේ කොටස්කරුවෙකු වීමට කැමති නම්, මගේ සිහිනය පමණක් නොව, මුළු පළාතකම සිහින සැබෑ කර ගැනීම සඳහා ඔබේ සහයෝගය භාවිතා කිරීමට මම ඉතා නිහතමානී වන්නෙමි.