සෑම දිනකම, අවදි වන සෑම මොහොතකම, මෙහි වෙසෙන පුරවැසියන් සහ විදේශයන්හි අපගේ සම්භවය ඇති අය, උතුරු  පළාතේ වෙසෙන සමස්ත ජනතාවගේ සුබසාධනය, සංවර්ධනය සහ ප්‍රගතිය සඳහා රජය ක්‍රියා කරන බව තහවුරු කිරීමට අපේක්ෂා කරයි. 

​

2022 උදාවෙද්දී අප පැවසුවේ, “අපේ පළාත වන උතුරු පළාත, ඕනෑම කෙනෙකුට තම සිහින  හඹා ගොස් සැබෑ කර ගත හැකි ස්ථානයක් විය යුතු බවට අප විශ්වාස කරන බවයි. එය කිසිවකු අත්නොහරින ස්ථානයක් විය යුතු අතර, වඩාත්ම වැදගත් වන්නේ එය විවිධත්වය සමරන සහ සමානාත්මතාවයට ගරු කරන ස්ථානයක් වීමයි. මාගේ විශ්වාසය නම්, සියල්ල ඇතුළත් සංවර්ධන ගමනක් ආරම්භ කිරීමෙන් අපට අතීතයේ අභියෝග සදහටම අත්හැරිය හැකි බවත් කිසිම හේතුවක් නිසා නැවත කිසිදා ගැටුම් ඇති නොවන බවත්ය. 

​

 අපට 80% ග්‍රාමීය සහ 20% නාගරික ජනවිකාස පැවැත්මක් ඇත. අපගේ විරැකියා අනුපාතය 5% වන අතර එය ජාතික සාමාන්‍ය වන 4.8% ට වඩා වැඩි ය. දරිද්‍රතාවයේ දර්ශකය ජාතික මට්ටමත් සමග සැලකුවිට, උතුරු පළාතේ දිස්ත්‍රික්ක   තුනක් (3) ම ජාතික වශයෙන් පළමු පහ (5) ට අයත් වේ. ඉහත සංඛ්‍යාලේඛන දෙක අපට සතුටු වීමට හේතුවක් ලබා නොදේ. අතිවිශාල කුසලතා, සම්පත් සහ යහපත් අධිෂ්ඨානයකින් සපිරුණු මිලියන 1.26 ක ජනතාවකගේ  මෙන්ම  විදේශයන්හි සම්භවයක් ඇති ඥාතීන් සහ පුද්ගලයන්ගේ සහයෝගය  ලැබීමටද අපි භාග්‍යවන්ත වෙමු. 

​

වත්මන් ආණ්ඩුකාරවරයා ලෙස මාගේ දැක්ම වනුයේ, "විවිධත්වය සැමරීම, සමානාත්මතාවය ජය ගැනීම සහ සියල්ල ඇතුළත් සංවර්ධනය සාක්ෂාත් කර ගැනීම" යන්නයි. මෙහෙයුම වනුයේ, "ජනතාව සතුටින් සිටින සහ රජය වගකීම් සහගත වන  ආරක්ෂිත, සමෘද්ධිමත්, උද්යෝගිමත් පළාතක්ය." ආණ්ඩුකාරවරයා යනු ව්‍යවස්ථාපිත ක්‍රියාකාරිකයෙකි. මේ  අනුව මම පහත සඳහන් අරමුණු මටම සකසා ගත්තෙමි - ජනාධිපතිතුමාගේ නියෝජිතයා ලෙස ආණ්ඩුක්‍රම ව්‍යවස්ථාව ආරක්ෂා කිරීම, පාලනය සඳහා මධ්‍යම රජය සහ පළාත අතර ප්‍රශස්ත අන්තර් සම්බන්ධතාව, ආණ්ඩුක්‍රම ව්‍යවස්ථාවෙන් ලබා දී ඇති උපරිම ප්‍රතිලාභ පළාතට ලබා දීම සහ තිරසාර සංවර්ධනය සඳහා පාලනයේ රන් ප්‍රමිතීන් සාක්ෂාත් කර ගැනීම. 

​

උතුරු පළාත සෙසු පළාත් 9 අතර ප්‍රාදේශීය වශයෙන් මෙන්ම දේශීය වශයෙන් ආර්ථික සංවර්ධනයෙන් සහ කාර්ය සාධනයෙන් ප්‍රමුඛයා බවට පත් කිරීමට මා මූලිකත්වය ගෙන කටයුතු කර ඇත. කලාපීය ආර්ථික බලවේගයක් බවට පත්වීම සඳහා ශ්‍රී ලංකාවේ සෙසු ප්‍රදේශවලට අනුගමනය කළ හැකි අයුරින් ආදර්ශයක් තබමින් උතුරු පළාතේ සියලුම පුරවැසියන්ගේ වාසනාව උදා කරවීමට අපි සැලසුම් කරමු. ඒ සඳහා වන සැලැස්ම ගෝලීය වශයෙන් පිළිගත් එක්සත් ජාතීන්ගේ සංවිධානයේ තිරසාර සංවර්ධන රාමුවට අනුගත වේ. 

​

මෙම දර්ශනය, දත්ත සහ ඩිජිටල් තාක්ෂණය මත පදනම් වේ. මෙම Jump කණ්ඩායම ආණ්ඩුකාරවරයාගේ කාර්යාලයෙන් ස්වාධීනව ක්‍රියාත්මක වන අතර,  නවීනතම ඩිජිටල් තාක්‍ෂණයන් භාවිතයෙන් තත්‍ය කාලීන පදනමින් පළාතේ ක්‍රියාකාරීත්වය සැකසීමට, සන්නිවේදනය කිරීමට, ක්‍රියාත්මක කිරීමට, ප්‍රධාන කාර්ය සාධන දර්ශක සැකසීමට සහ මැනීමට සහයෝගය දක්වනු ඇත. 

​

මෙම Jump කණ්ඩායමට ක්‍රියාත්මක වීමට අවශ්‍ය දැනුම, කුසලතා සහ සම්බන්ධීකරණ හැකියාව සහිත ස්වාධීන මණ්ඩලයක් ඇත.